साहिबजादा यांच्या बलिदानाला स्मरण करून लाखो विद्यार्थ्यांनी घेतली धैर्याची शिकवणूक – जिल्हाधिकारी अभिजीत राऊत

साहिबजादा यांच्या बलिदानाला स्मरण करून लाखो विद्यार्थ्यांनी घेतली धैर्याची शिकवणूक – जिल्हाधिकारी अभिजीत राऊत
बाळकडू : सुधीर प्रधान.
संपर्क.9028906583
नांदेड दक्षिण (नांदेड) :- साहिबजादा बाबा जोरावर सिंघजी व बाबा फतेह सिंघजी यांनी दिलेल्या बलिदानापासून प्रेरणा घेता यावी, त्यांच्या धैर्याचा इतिहास विद्यार्थ्यांपर्यंत पोहोचावा, त्यांच्या बलिदानाप्रती कृतज्ञतेचा भाव अधिक वृद्धिंगत व्हावा आणि सहिष्णुता व एकतेचा विचार सर्वापर्यत पोहचावा या उद्देशाने हा उत्सव आपण घेतला. महाराष्ट्र शासन व गुरुद्वारा बोर्ड यांच्या संयुक्त विद्यमाने शिख धर्मिय व पंजाबशी असलेले नाते या दोन दिवसांच्या उत्सवातून अधिक दृढ झाल्याची भावना जिल्हाधिकारी अभिजीत राऊत यांनी व्यक्त केली. शालेय स्तरावर निबंध स्पर्धा, वक्तृत्त्व स्पर्धा यांच्या माध्यमातून जिल्ह्यातील सुमारे 3 हजार 729 शाळांपर्यत आपण ही शौर्याची गाथा या उत्सवाच्या निमित्ताने पोहोचवीली आहे. याच बरोबर जिल्ह्यातील सुमारे 3 लाख विद्यार्थ्यांनी साहिबजादा बाबा जोरावर सिंघजी व बाबा फतेह सिंघजी यांच्या प्रती कृतज्ञता व्यक्त करीत प्रेरणा घेतल्याचे त्यांनी सांगितले.

साहिबजादा बाबा जोरावर सिंघजी व बाबा फतेह सिंघजी यांच्या शौर्य व बलिदानाची गाथा पोहचविण्यासाठी आयोजित केलेल्या रॅलीला आज विद्यार्थ्यांनी उदंड प्रतिसाद दिला. नांदेड शहरातील सुमारे 65 शाळातून 5 हजार विद्यार्थ्यांनी साहिबजादे यांच्या धैर्य, साहस, बलिदान यांचे कृतज्ञता पूर्वक स्मरण करुन एकात्मतेवर घोषणा देवून परिसर निनादून टाकला. जिल्हाधिकारी अभिजीत राऊत, गुरुद्वारा बोर्डाचे प्रशासक डॉ. पी. सी. पसरीचा, जिल्हा पोलीस अधिक्षक श्रीकृष्ण कोकाटे यांनी रॅलीला हिरवी झेंडी दाखवून रवाना केले. यावेळी माध्यमिक शिक्षणाधिकारी प्रशांत दिग्रसकर, प्राथमिक शिक्षणाधिकारी सविता बिरगे, जिल्हा माहिती अधिकारी विनोद रापतवार व गुरुद्वारा बोर्डाचे पदाधिकारी उपस्थित होते.

सकाळी 8.30 पासून सुरु झालेल्या रॅलीत विविध शाळांनी साहिबजादा यांच्या बलिदानाचे स्मरण करुन देणाऱ्या देखाव्यासह, महाराष्ट्रातील वारकरी संप्रदायाची सहिष्णुता दर्शविणारी दिंडी, पंजाब आणि महाराष्ट्रातील अध्यामिक नाते दृढ करणाऱ्या संत नामदेव महाराजाच्या वेशभुषेसह विद्यार्थी व विद्यार्थीनी मोठया उत्साहात सहभागी झाले. विद्यार्थ्यांच्या या विविध सादरीकरणासह या रॅलीचे आकर्षण जबलपूर येथून आलेल्या बँडचे पथकही ठरले. अनेक देशभक्तीपर गीते त्यांनी सादर करुन नांदेड कराची मने जिंकली.

*जिल्हा प्रशासनाच्या कुशल नियोजनातून या उत्सवाला आले लोकाभिमूख स्वरुप*
– डॉ. पी.सी. पसरीचा

या कार्यक्रमासाठी मागील दोन महिन्यापासून आम्ही शासनासमवेत एकत्र काम करीत आहोत. प्रधानमंत्री नरेंद्र मोदी यासाठी पुढाकार घेवून हा वीर बाल दिवस साजरा करण्याची घोषणा केली. नांदेडचा पंजाब व शिख धर्माशी असलेला स्नेह लक्षात घेवून नांदेड येथे हा वीर बाल दिवस चांगला साजरा व्हावा यादृष्टीने जिल्हा प्रशासनाने अचूक नियोजन केले. जिल्हाधिकारी अभिजीत राऊत यांनी शालेय शिक्षण विभाग, महानगरपालिका व इतर विभागांचा योग्य समन्वय ठेवून नियोजन केल्यामूळे हा दिवस व नांदेड उत्सव अधिक लोकाभिमूख झाल्याच्या भावना गुरुद्वारा बोर्डाचे प्रशासक डॉ. पी.सी.पसरीचा यांनी व्यक्त केल्या.

▪️वीर बाल दिवसानिमित्त घेण्यात आलेल्या विविध स्पर्धांचे हे ठरले विजेते▪️

*वक्तृत्त्व स्पर्धा*

▪️प्रथम पारितोषिक रोख रुपये 51 हजार विजेती कु. श्रुती सावे, केंब्रिज विद्यालय नांदेड

▪️द्वितीय पारितोषिक रोख रुपये 31 हजार. विजेती कु.चरणजित कौर गिल, दशमेश स्कूल नांदेड

▪️तृतीय पारितोषिक रोख रुपये 21 हजार. कु. अक्षरा बरबडे, लिटल फ्लावर स्कूल, बिलोली

▪️उत्तेजनार्थ पारितोषिक रुपये 7 हजार.विजेते पवन चंद्रकांत संगमकर, साने गुरुजी विद्यालय, बिलोली

▪️उत्तेजनार्थ पारितोषिक रुपये 7 हजार.विजेते अपूर्वा अनिल सोनकाबंळे, विवेकवर्धीनी हायस्कुल,नांदेड

*उत्कृष्ट देखावा स्पर्धा*

▪️प्रथम पारितोषिक रोख रुपये 7 हजार. विजेते संचखंड स्कुल, वीर बाल दिवस देखावा

▪️द्वितीय पारितोषिक रोख रुपये 5 हजार. विजेते खालसा हायस्कूल, पंच प्यारे देखावा

▪️तृतीय पारितोषिक रोख रुपये 3 हजार. विजेते जिजामाता माध्यमिक विद्यालय, बाल विवाह देखावा

▪️उत्तेजनार्थ पारितोषिक रोख रुपये 2 हजार. विजेते शिवाजी हायस्कुल पावडेवाडी, दिंडी देखावा

▪️उत्तेजनार्थ पारितोषिक रोख रुपये 2 हजार. विजेते महात्मा फुले हायस्कूल, एनसीसी स्काऊट गाइड देखावा